សម្លាប់ប្រពន្ធរួចប្រល័យខ្លួនឯង ភ្លើងប្រចណ្ឌឆាបឆេះឈានដល់ថ្ងៃខ្មៅងងឹតស្លាប់ចោលកូនស្រី២នាក់
ថ្ងៃសុក្រ ទី១៦ ខែកញ្ញា ឆ្នាំ២០១១ ម៉ោង ១៥:០០
កោះសន្តិភាព
ខេត្តព្រះសីហនុ
៖
ស្ត្រីជាប្រពន្ធបានរងរបួសយ៉ាងធ្ងន់ធ្ងរដោយសារការកាប់ប្រហារពី សំណាក់បុរសជាប្តីដោយប្រើកាំបិតខ្វែវជាច្រើនកាំបិត
ហើយក៏ត្រូវស្លាប់ពេលនាំទៅដល់មន្ទីរពេទ្យ ទើបសពត្រូវដឹកត្រលប់មកលំនៅឋានវិញចំណែកបុរសជាប្តីក៏បានធ្វើ អត្តឃាតដោយផឹកថ្នាំពុល រួចចង.កសម្លាប់ខ្លួន។ ទោះជាប្តី-ប្រពន្ធនេះត្រូវស្លាប់ទៅហើយ តែជីវិតអពមង្គលដ៏ខ្មៅងងឹតនេះបានបន្សល់ទុកកូនស្រី២នាក់ ឱ្យរស់ក្នុងភាពកំព្រាឥតមេបាពីពេលនេះតទៅដែរ។ អំពើហិង្សាដែលបង្កឡើងដោយបុរសជាប្តីនេះតាមប្រភពមួយបានអះអាង
ពីមូលហេតុថា ដោយសារបុរសជាប្តីខឹងប្រពន្ធសុំលែង ហើយបានចុះចោលផ្ទះទៅរស់នៅជាមួយបងប្រុសរបស់ខ្លួន។
ទោះបីជាបែបណាក្តី ប្រភពមួយទៀតក៏បានបង្ហើបពីមូលហេតុនៃការបង្ហូរឈាមគ្នានេះថា បណ្តាលមកពីការប្រចណ្ឌពីសំណាក់បុរសជាប្តីដែលបង្កឱ្យមានជម្លោះ នឹងគ្នាមិនឈប់ឈរទើបស្ត្រីជាប្រពន្ធមិនអាចរស់នៅក្រោមដំបូល ផ្ទះជាមួយប្តីបានក៏បាននាំកូនស្រីទាំង២ទៅស្នាក់នៅផ្ទះបង ប្រុសបង្កើតដែលនៅមិនឆ្ងាយប៉ុន្មានពីផ្ទះរបស់ខ្លួននោះទេ គឺក្រោយរយៈពេល២០ថ្ងៃដែលនាងជាប្រពន្ធបានទៅប្តឹងពីប្តីដល់ សាលាឃុំសុំលែងលះប្តីទោះបីមេឃុំគ្មានសិទ្ធិឱ្យលែងលះក្តីក៏
នាងជាប្រពន្ធបានទាមទារឱ្យអាជ្ញាធរជាអ្នកដឹងឮ
ព្រោះតែទ្រាំរស់ជាមួយប្តីតទៅទៀតមិនបាន។
នេះជាជីវិតគ្រួសារមួយដែលគ្មានសុភមង្គលនិងមាន តែភាពគ្រោតគ្រាតដែលទីបំផុតបុរសជាប្តីបែរជាយកហិង្សាមកដាក់
ខ្លួនជាជំរើសដោយមិនបានគិតពីជោគវាសនារបស់កូនដែលខ្លួនបង្កើត មកនោះតើពួកគេត្រូវរស់ដោយបែបណា បន្ទាប់ពីឪពុក
ម្តាយសម្លាប់គ្នាហើយនោះ។
ទាក់ទិននឹងការបង្ហូរឈាមគ្នានេះត្រូវបានគេ
ដឹងថា បានកើតឡើងនៅវេលាម៉ោង១៥ និង៣០នាទី ថ្ងៃទី១៥ កញ្ញា នៅក្នុងក្រុមទី១០ ភូមិអណ្តូងថ្ម ឃុំអណ្តូងថ្ម ស្រុកព្រៃនប់។
បុរសជាប្តីឈ្មោះជុំ វុត្ថា ហៅច្រូច អាយុ៣៩ឆ្នាំ មានមុខរបរជាកសិករ និងរត់ម៉ូតូឌុប ឯស្ត្រីជាប្រពន្ធឈ្មោះនាក់ អិត អាយុ៣៦ឆ្នាំ។ ប្តីប្រពន្ធនេះមានកូនស្រី២នាក់
ដែលនាងបងអាយុ១៣ឆ្នាំ និងនាងប្អូនអាយុ៩ឆ្នាំ។
ប្រភពព័ត៌មានពីបងប្រុសរបស់ស្ត្រីរងគ្រោះបានឱ្យដឹងថា កន្លងមកប្តី ប្រពន្ធនេះមានការរកាំរកូសគ្នា និងឈ្លោះប្រកែកគ្នារាប់សិបដងមកហើយដោយសារតែការប្រចណ្ឌពី
សំណាក់បុរសជាប្តី។ ប្រភពដដែលនេះមិនបានឱ្យដឹងថា ការប្រចណ្ឌប្រពន្ធនោះប្តីចោទទៅលើបុរសណាមួយនោះទេ។ បុរសជាបងប្រុសបាននិយាយទៀតថា កាលពី២០ថ្ងៃមុនប្អូនស្រីរបស់គាត់
និងប្អូនថ្លៃបានឈ្លោះគ្នាបែកផ្សែង ហើយនាងក៏បានប្តឹងទៅសាលាឃុំលែងលះប្តី
ហើយអាជ្ញាធរក៏បានដឹងឮដែរ បន្ទាប់ពីការសម្រុះសម្រួលមិនបានទទួលជោគជ័យ។ បន្ទាប់ពីនោះមកនាងជាប្រពន្ធបាននាំកូនស្រីទាំង២ចុះចេញពីផ្ទះ មកនៅផ្ទះគាត់ជាបងប្រុស ហើយក៏នៅជិតគ្នាផ្ទះម្តាយមីងដែរ។ ផ្ទះគាត់
និងផ្ទះប្អូនស្រីនោះមានចម្ងាយពីគ្នាប្រមាណ៣០០ម៉ែត្រ។
ក្នុងថ្ងៃកើតហេតុតាមប្រភពបានឱ្យដឹងថា បុរសជាប្តីបានមកហៅប្រពន្ធរបស់ខ្លួនទៅក្រោយផ្ទះបងប្រុសដោយ និយាយថា ជួបនិយាយគ្នាឱ្យដាច់ស្រេច។ ការជួបគ្នានោះមិនមាននរណាម្នាក់ចាប់អារម្មណ៍ទេ ហើយនាងជាប្រពន្ធក៏បានទៅជួប គឺពេលជួបគ្នានោះហើយដែលបុរសជាប្តីបានកាប់ប្រហារដោយកាំបិត
ខ្វែវលើស្ត្រីជាប្រពន្ធ គឺកាប់ចំក្បាល
និងខ្លួនជាច្រើនកាំបិតដេកដួលក្នុងថ្លុកឈាម។ ពេលកាប់ប្រពន្ធឱ្យដួលដេកហើយនោះស្មានថាប្រពន្ធបានផុតដង្ហើមទៅ
ហើយ បុរសជាប្តីក៏បានរត់សំដៅទៅផ្ទះរបស់ខ្លួន។ ជាបន្ទាន់នោះក្រុមសាច់ញាតិក៏បានដឹង ហើយមានការភ្ញាក់ផ្អើលនាំគ្នាជួយលើកស្ត្រីជាប្រពន្ធដែលប្តី កាប់ចេញពីថ្លុកឈាម និងបានហៅរថយន្តពេទ្យមកដឹកទៅសង្គ្រោះ។ ដោយសារតែការកាប់ប្រហារនេះមានស្ថានភាពធ្ងន់ធ្ងរស្ត្រីជា
ប្រពន្ធក៏ត្រូវស្លាប់ពេលនាំដល់មន្ទីរពេទ្យទើបដឹកសពត្រឡប់មក វិញ។
No comments:
Post a Comment